“የሠማይ አምላክ ያከናውንልናል እኛም ባሪያዎቹ ተነስተን እንሰራለን” ነህ 2፡20

     የኢትዮጵያ አማኑኤል ኀብረት ቤተ-ክርስቲያን በአዲስ አበባ ላንቻ ጎተራ አካባቢ በ2012 ዓ.ም በአዲስ አበባ ከተማ አስተዳደር የአምልኮ ቦታ የተሰጣት ሲሆን በቦታው ላይ ለነበሩ 6 የቀበሌ ሱቆች የግምት ካሳ 5.2 ሚልዮን ብር በመክፈል የፅዳት ሥራ ተከናውኗል፤ ይሁንና በቦታው ላይ በፌድራል የቤቶች ኮርፖሬሽን ስም የተመዘገበ አንድ የንግድ ቤት መኖሩን ተከትሎ እና ኮርፖሬሽኑ አቤቱታ በማቅረቡ ላለፉት ሁለት ዓመታት በቦታው ላይ ግንባት ማካሄድ ሳይቻል ቆይቷል፡፡ ኋላ ላይ ግን የከተማው የመሬት አስተዳደር ከቤቶች ኮርፖሬሽን ጋር የተፈጠረው ችግር በሂደት እየተፈታ፣ ቤተእምነቷ በፀዳው ወደ 1ሺ ካሬ በሚጠጋው ቦታ ላይ ግንባታ ማካሄድ የሚያስችለን ፈቃድ ሰጥቷታል፤ ለዚህም የረዳንን እግዚአብሔር በማመስገን ከባለፈው ሳምንት ጀምሮ በቦታው ላይ የተከመረውን ምልሰ አፈር በማንሳት የማፅዳት ሥራ ጀምረናል፡፡

    የኢትዮጵያ አማኑኤል ኀብረት ቤተ-ክርስቲያን የአጥቢያ መሪዎች፣ ፓስተሮች እና የቤተ-ክርስቲያኒቱ ወዳጆች በሙሉ እንኳን ደስ ያላችሁ እያለች በቀጣይ የሚሠሩ ሥራዎች በሙሉ የተሳኩ ይሆኑ ዘንድ፤ በቋሚነት እንድትጸልዩ ቤተክርስቲያን በብዙ አደራ ለማሳሰብ ትወዳለች፤ በተጨማሪም ግንባታውን ለመጀመር የሚስችል የተለያዩ ፕሮጀክቶች ተቀርፀው በቀጣይ ይፋ የሚደረጉ መሆኑን ቤተ-ክርስቲያን ከወዲሁ ለማስታወስ ትወዳለች፡፡

ክብር በነገር ሁሉ ለረዳን አምላክ ይሁን!